January 10, 2024
ا لیکشن کمیشن نے تحریک انصاف کا انتخابی نشان "بلا" پی ٹی آئی نظریاتی کو الاٹ کر دیا ای سی پی کی جانب سے 145 سیاسی جماعتوں اور 177 ...
ای سی پی کی جانب سے 145 سیاسی جماعتوں اور 177 آزاد امیدواروں کے انتخابی نشانات کی فہرست ریٹرننگ افسران کو بھجوا دی
کو انسانی آنکھ کا نشان الاٹ کیا گیا ہے۔جبکہ آزاد امیدواروں کیلئے 177 انتخابی نشان بھی مختص کیے گئے ہیں۔ دوسری جانب تحریک انصاف کو بلا کا انتخابی نشان الاٹ کرنے کے کیس میں پشاور ہائیکورٹ نے منگل کے روز ہوئی سماعت کے بعد فیصلہ محفوظ کر لیا۔ پشاور ہائیکورٹ کی جانب سے کیس کا فیصلہ بدھ کو سنائے جانے کا امکان ہے۔ جبکہ سپریم کورٹ نے بھی تحریک انصاف کو انتخابی نشان الاٹ کرنے کا کیس بدھ 10 جنوری کو سماعت کیلئے مقرر کر دیا۔ چیف جسٹس قاضی فائز عیسٰٰی کی سربراہی میں جسٹس محمد علی مظہر اور جسٹس مسرت ہلالی پر مشتمل بینچ پی ٹی آئی کی درخواست پر سماعت کرے گا ۔
January 09, 2024
عمران خان کا سانحہ 9 مئی کے 12کیسز میں 2 دن کا جسمانی ریمانڈ منظور کرلیا گیا تمام تھانوں کی تفتیشی ٹیمیں ایک ساتھ اڈیالہ جیل میں ہی تفتیش کر...
تمام تھانوں کی تفتیشی ٹیمیں ایک ساتھ اڈیالہ جیل میں ہی تفتیش کرسکیں گی، انسداد دہشتگردی عدالت راولپنڈی کے جج ملک اعجاز آصف نے جسمانی ریمانڈ کا فیصلہ سنایا
اولپنڈی ( اردوپوائنٹ اخبارتازہ ترین ۔ 09 جنوری 2024ء) بانی چیئرمین پی ٹی آئی عمران خان کا سانحہ 9 مئی کے 12 کیسز میں 2 دن کا جسمانی ریمانڈ منظور کرلیا گیا۔ میڈیا کے مطابق انسداد دہشتگردی کی خصوصی عدالت راولپنڈی کے جج ملک اعجاز آصف نے فیصلہ سنا دیا ہے، عدالت نے بانی پی ٹی آئی عمران خان کے سانحہ 9 مئی کے 12کیسز میں 2 دن کا جسمانی ریمانڈ منظور کرلیا ہے ، پولیس نے 30 روزہ جسمانی ریمانڈ کی استدعا کی تھی، وکلاء صفائی کی جانب سے بانی چیئرمین پی ٹی آئی کے جسمانی ریمانڈ کی مخالفت کی گئی تھی۔بانی چیئرمین پی ٹی آئی کے خلاف 9 مئی واقعات کے 12 مقدمات درج ہیں۔ جن کی تفتیش کیلئے عدالت نے جسمانی ریمانڈ منظور کیا ہے، تمام تھانوں کی تفتیشی ٹیمیں ایک ساتھ اڈیالہ جیل میں ہی تفتیش کرسکیں گی۔بانی پی ٹی آئی کو جیل سے باہر نہیں لے جایا جاسکے گا۔ انسداد دہشتگردی کی خصوصی عدالت راولپنڈی نے 11جنوری کو مکمل تفتیشی رپورٹ پیش کرنے کا حکم دیا ہے۔
مقدمے کی مزید سماعت 11جنوری کو صبح 10 بجے دوبارہ اڈیالہ جیل میں ہوگی۔ واضح رہے اڈیالہ جیل میں آج بانی پی ٹی آئی کی توشہ خانہ اور 190ملین پاؤنڈ ریفرنسز میں ضمانت کی درخواستوں پر سماعت ہوئی، احتساب عدالت کے جج محمد بشیر نے محفوظ فیصلہ سنا دیا ہے۔ احتساب عدالت کے جج محمد بشیر نے توشہ خانہ اور 190ملین پاؤنڈ ریفرنسز میں ضما نت کی درخواستیں مسترد کردی ہیں۔توشہ خانہ ریفرنس میں سماعت 11 جنوری تک ملتوی کردی گئی، نیب آئندہ سماعت پر توشہ خانہ ریفرنس میں 12 گواہان پیش کرے گا۔ اسی طرح 190ملین پاؤنڈ میں فرد جرم کیلئے 17جنوری کی تاریخ مقرر کردی گئی ہے۔ مزید برآں بانی چیئرمین تحریک انصاف کے خلاف توشہ خانہ ریفرنس میں نیب گواہان کی فہرست بھی سامنے آگئی ہے۔ فہرست کے تحت نیب توشہ خانہ ریفرنس میں بانی پی ٹی آئی اور بشریٰ بی بی کے خلاف عدالت میں 20 گواہان پیش کرے گا۔نیب نے بانی پی ٹی آئی اور سابق وزیراعظم کے ملٹری سیکرٹری اور ڈپٹی ملٹری سیکرٹری بھی گواہان میں شامل کرلیا ہے، ڈپٹی قونصلیٹ جنرل دبئی رحیم اللہ، توشہ خانہ کے سیکشن افسران اورپی ایم آفس کے اسسٹنٹ سیکرٹری پروٹوکول زاہد سرفراز بھی گواہان میں شامل ہیں۔ فہرست میں ایک وعدہ معاف گواہ بھی شامل کیا گیا ہے۔ توشہ خانہ تحفے کا پرائیویٹ تخمینہ لگانے والے صہیب عباسی بطور وعدہ معاف گواہ پیش ہوں گے۔دوسری جانب یاد رہے کہ احتساب عدالت نے توشہ خانہ کیس میں بانی پی ٹی آئی اور بشریٰ بی بی پر فرد جرم عائد کردی ہے۔ بانی پی ٹی آئی عمران خان اور بشریٰ بی بی نے صحت جرم سے انکار کردیا۔ احتساب عدالت کے جج محمد بشیر نے اڈیالہ جیل میں توشہ خانہ کیس کی سماعت کی۔عدالت نے ملزمان کو کمرہ عدالت میں چارج شیٹ پڑھ کر سنائی ۔ چارج شیٹ سننے کے بعد ملزمان نے صحت جرم سے انکارکردیا، فرد جرم کے وقت بانی چئیرمین پی ٹی آئی اور اہلیہ بشری بی بی وکلاء کے ہمراہ کمرہ عدالت میں موجود تھے ۔ عمران خان توشہ خانہ کیس میں ٹرائل کورٹ کے فیصلے کی معطلی کیلئے پھر سپریم کورٹ سے رجوع کرچکے ہیں۔ بانی پی ٹی آئی کے وکلاء نے سپریم کورٹ رجسٹرار آفس کے اعتراضات ختم کرکے دوبارہ اپیل دائر کردی ہے۔بانی پی ٹی آئی نے اپیل میں استدعا کی کہ توشہ خانہ کیس میں ٹرائل کا فیصلہ معطل کیا جائے۔ ٹرائل کورٹ کے جج ہمایوں دلاور نے توشہ خانہ کیس میں بانی پی ٹی آئی کو تین سال قید اور ایک لاکھ روپے جرمانہ کی سزا سنائی تھی۔اپنے فیصلے میں جج نے کہا تھا کہ توشہ خانہ کیس میں بانی پی ٹی آئی پر الزامات ثابت ہوتے ہیں، ان پر جھوٹے اثاثے ظاہر کرنے کا الزام ثابت ہوا۔انہوں نے کہا کہ بانی پی ٹی آئی کو 3سال کی سزا سنائی جاتی ہے، ان کے گرفتاری کے وارنٹ نکالے جاتے ہیں اور ان پر ایک لاکھ روپے جرمانہ عائد کیا جاتا ہے۔
December 03, 2023
اسد قیصر کے مزید جسمانی ریمانڈ کی استدعا مسترد عدالت نے پی ٹی آئی رہنماء کو 14 روزہ جوڈیشل ریمانڈ پر جیل بھیج دیا As im ی استدعا مسترد کرت...
اسد قیصر کے مزید جسمانی ریمانڈ کی استدعا مسترد
عدالت نے پی ٹی آئی رہنماء کو 14 روزہ جوڈیشل ریمانڈ پر جیل بھیج دیا
Asim
ی استدعا مسترد کرتے ہوئے عدالت نے 14 روزہ جوڈیشل ریمانڈ پر جیل بھیج دیا۔ تفصیلات کے مطابق عدالت نے 9 مئی کے توڑ پھوڑ کیس میں سابق سپیکر اور تحریک انصاف کے رہنما اسد قیصر کا مردان پولیس کو جسمانی ریمانڈ دینے سے انکار کرتے ہوئے انہیں جوڈیشل ریمانڈ پرجیل بھیج دیا۔بتایا گیا ہے کہ مردان پولیس نے گزشتہ روز ضمانت ہونے پر ایک اورکیس میں سابق سپیکر اسد قیصر کو گرفتار کیا تھا اور آج جوڈیشل مجسٹریٹ عطا الرحمان کی عدالت میں پیش کیاگیا جہاں پولیس کاکہنا تھا کہ 9مئی کے توڑ پھوڑ کے واقعات میں اسد قیصرکیخلاف مقدمہ درج ہے، جس کی تفتیش کے لیے جسمانی ریمانڈ دیا جائے۔خیال رہے کہ سابق اسپیکر قومی اسمبلی اسد قیصر کو عدالت سے ضمانت منظور ہونے کے باوجود دوبارہ گرفتار کیا گیا ہے، اسد قیصر کو ڈسٹرکٹ جیل سے رہائی کے بعد فوری دوبارہ گرفتار کر لیا گیا، پولیس نے اسد قیصر کو ڈسٹرکٹ جیل مردان کے احاطے سے گرفتار کیا، جس کے بعد پولیس اسد قیصر کو تھانہ سٹی لے گئی۔
قبل ازیں مردان کی عدالت نے پی ٹی آئی رہنما اسد قیصر کی درخواستِ ضمانت منظورکرکے رہائی کا حکم جاری کیا تھا، سیشن جج مردان محمد زیب نے اسد قیصر کی نو مئی کے مقدمے میں ضمانت منظور کی، عدالت نے حکم دیا تھا کہ اگر اسد قیصر کسی اور مقدمہ میں ملوث نہیں تو انہیں ضمانت پر رہا کر دیا جائے۔ مزید برآں پشاورہائیکورٹ نے سابق سپیکر اسد قیصر کی باربار گرفتاری پر حکومت سے جواب طلب کرتے ہوئے ریمارکس دیئے کہ یہ کیا مذاق ہے، ضمانت ملنے کے بعد دوسرے مقدمے میں گرفتار کرتے ہیں، قانون اس پر کیا کہتا ہے یہ دیکھیں گے
Asimپشاور ہائی کورٹ میں جسٹس اشتیاق ابراہیم اور جسٹس صاحبزادہ اسد ال نے پی ٹی آئی رہنماء و سابق سپیکر قومی اسمبلی اسد قیصرکیخلاف موجودہ مقدمات میں گرفتار نہ کرنے کی درخواست پر سماعت کی، درخواست گزار اسد قیصر کے وکیل نے عدالت میں موقف اختیار کیا کہ ’ضمانت ملتے ہی دوسرے مقدمے میں گرفتارکر لیا جاتا ہے، پہلے سے درج مقدمات میں گرفتار نہ کیا جائے‘، جس پر سرکاری وکیل نے موقف اپنایا کہ ’اسد قیصر مقدمات میں نامزد ہیں اس لئے گرفتار ہوتے ہیں‘۔
